(BG-CH-18-V-41) Bhagavad Gita Chapter 18 Verse 41

ब्राह्मणक्षत्रियविशां शूद्राणां च परन्तप।

कर्माणि प्रविभक्तानि स्वभावप्रभवैर्गुणैः ॥१८- ४१॥


(BG-CH-18-V-42) Bhagavad Gita Chapter 18 Verse 42

शमो दमस्तपः शौचं क्षान्तिरार्जवमेव च।

ज्ञानं विज्ञानमास्तिक्यं ब्रह्मकर्म स्वभावजम् ॥१८- ४२॥


(BG-CH-18-V-43) Bhagavad Gita Chapter 18 Verse 43

शौर्यं तेजो धृतिर्दाक्ष्यं युद्धे चाप्यपलायनम्।

दानमीश्वरभावश्च क्षात्रं कर्म स्वभावजम् ॥१८- ४३॥


(BG-CH-18-V-44) Bhagavad Gita Chapter 18 Verse 44

कृषिगौरक्ष्यवाणिज्यं वैश्यकर्म स्वभावजम्।

परिचर्यात्मकं कर्म शूद्रस्यापि स्वभावजम् ॥१८- ४४॥


(BG-CH-18-V-45) Bhagavad Gita Chapter 18 Verse 45

स्वे स्वे कर्मण्यभिरतः संसिद्धिं लभते नरः।

स्वकर्मनिरतः सिद्धिं यथा विन्दति तच्छृणु ॥१८- ४५॥


(BG-CH-18-V-46) Bhagavad Gita Chapter 18 Verse 46

यतः प्रवृत्तिर्भूतानां येन सर्वमिदं ततम्।

स्वकर्मणा तमभ्यर्च्य सिद्धिं विन्दति मानवः ॥१८- ४६॥


(BG-CH-18-V-47) Bhagavad Gita Chapter 18 Verse 47

श्रेयान्स्वधर्मो विगुणः परधर्मात्स्वनुष्ठितात्।

स्वभावनियतं कर्म कुर्वन्नाप्नोति किल्बिषम् ॥१८- ४७॥


(BG-CH-18-V-48) Bhagavad Gita Chapter 18 Verse 48

सहजं कर्म कौन्तेय सदोषमपि न त्यजेत्।

सर्वारम्भा हि दोषेण धूमेनाग्निरिवावृताः ॥१८- ४८॥